Гледајте HBO Max во 4K UHD

Можете да ги гледате следните наслови во 4K Ultra HD, HDR 10 и Dolby Vision на одредени уреди.

Насловите во 4K
  • Божиќ во 8-бити
  • Плачи, Мачо
  • Дина
  • Елвис
  • Животот потоа
  • Фантастични ѕверки: Тајните на Дамблдор
  • Татко на невестата (2022)
  • Игра на тронови
  • Годзила против Конг
  • Куќата на змејот
  • Височините на Њујорк
  • Јуда и црниот месија
  • Кими
  • Кралот Ричард
  • Повикување 3: Ѓаволот ме натера
  • Злоќудно
  • Сите светци на мафијата
  • Матрикс
  • Матрикс: Повторно наполнет
  • Матрикс: Револуции
  • Матрикс: Воскреснувања
  • Без нагли движења
  • Патување низ спомените
  • Спејс Џем: Ново наследство
  • Одредот на отпишаните
  • Том и Џери
  • Вондер вуман (2017)
  • Вондер вуман 1984
  • Лига на правдата на Зек Снајдер
  • Лига на правдата на Зек Снајдер: Правдата е сива

Насловите достапни во 4K HDR се достапни и во HD на сите поддржани уреди.

На HBO Max ќе се пушти најквалитетното аудио и видео достапно за вашиот уред.

Што ви треба

Еве што ви треба за да стримувате во 4K HDR со аудио Dolby Atmos:

  • Телевизор 4K HDR што прикажува Dolby Vision или HDR10
  • Поддржан уред за стриминг 4K HDR
  • Интернет со голема брзина (25 Mbps или повеќе, се препорачува 50+ Mbps)
  • Звучен систем способен за Dolby Atmos

Dolby Atmos е достапен само со англиската аудиотрака. Сите уреди мора да поддржуваат HDMI 2.0 и HDCP 2.2 (телевизор, медиа-плеер, аудио/видео приемник, кабли, адаптери и сите други поврзани уреди).

Ако ги имате горенаведените барања и насловот е достапен во 4K UHD, HBO Max треба автоматски да го пушти насловот во 4K UHD. HBO Max автоматски го прилагодува квалитетот на видеото врз основа на пропусниот опсег на вашата мрежа и брзината на поврзување (не можете рачно да ја прилагодите резолуцијата во HBO Max).

Решавање проблеми

Ако се чини дека насловот не се пушта во 4K HDR со Dolby Atmos, еве неколку работи со коишто можете да се обидете:

Проверете ги вашите уреди

Проверете дали вашиот телевизор поддржува резолуција 4K и HDR 10. За да го направите ова, пронајдете го бројот на моделот на телевизорот и потоа пребарајте на интернет за информации за резолуцијата на телевизорот.

Поддржани 4K уреди

Можете да гледате во 4K на следниве уреди:

  • Телевизори Android TV
  • Apple TV 4K
  • Google Chromecast Ultra и Chromecast со Google TV
  • PlayStation 5
  • Телевизори 4K LG Smart TV
  • Телевизори 4K Samsung TV

Работиме на додавање повеќе уреди и 4K-филмови во иднина.

Забелешка  Dolby Atmos не е достапен на Chromecast.

Проверете ги поставките за екранот

Кога станува збор за поставките на телевизорот, предлагаме да го исклучите измазнувањето на движењето. Чекорите за да го направите ова варираат во зависност од моделот на телевизорот. Исто така, можеби ќе сакате да го поставите режимот на слика во режим на кино или филм.

Apple TV 4K

Проверете ги поставките за видео на Apple TV. Еве како:

  1. На вашиот Apple TV одете на Поставки > Видео и аудио > Формат.
  2. Изберете 4K HDR (ако е достапно).
  3. Потоа одете во Приспособи на содржината. Вклучете Приспособи динамички опсег и Приспособи брзина на кадри.
  4. Изберете Провери HDMI-врска за да ја потврдите поддршката за избраниот формат.

Ако вашиот Apple TV не открие поддршка за 4K HDR, видете го написот 4K, HDR и Dolby Vision на Apple TV 4K на Apple.

Chromecast со Google TV и Android TV 4K

Проверете ги поставките за екранот на Chromecast со Google TV или Android TV. Еве како:

  1. Во горниот десен агол на телевизорот, одете до Профил > Поставки.
  2. Изберете Екран и звук.
  3. Изберете Приспособи на содржината. Ова треба автоматски да го постави вашиот уред да прикажува содржина во матичен формат. Можете и рачно да ја поставите резолуцијата со одење во Напредни поставки за екранот.

Ако немате опција за прикажување во 4K HDR, видете Стримување содржина 4K Ultra HD за повеќе информации.

PlayStation 5

За помош со PlayStation 5, види ја статијата How to enable and adjust 4K resolution на веб-локацијата на PlayStation.

Тестирајте ја брзината на Интернетот

Проверете дали брзината на преземање на Интернет е најмалку 25 Mbps. HBO Max автоматски го прилагодува квалитетот на видеото врз основа на брзината на преземање на вашата врска. Ако брзината на преземање е помала од 25 Mbps, серијата или филмот нема да се стримуваат во 4K HDR.

Поголемите брзини ќе обезбедат поконзистентен стриминг на 4K HDR. За најдобро искуство, препорачуваме брзина на преземање од 50+ Mbps на вашиот стриминг-уред.

За да дознаете како да ја тестирате брзината на врската, одете на страницата Решавање проблеми на телевизор и изберете го телевизискиот уред.

Обидете се со жичена врска: Ако имате бавни или неконзистентни брзини преку WiFi, обидете се да го поврзете вашиот уред за стримување со рутерот користејќи Етернет-кабел.

Намалете ја активноста на мрежата: Ако други луѓе ја користат истата мрежа, замолете ги привремено да паузираат со нивната активност. Ова ќе одвои што е можно поголем пропусен опсег за стримување.

Обидете се со друг кабел или HDMI-приклучок

Ако користите стриминг-плеер (на пр. Apple TV):

  • Осигурите се дека користите 4K HDMI-кабел со голема брзина.
  • Проверете дали вашиот HDMI-кабел е приклучен на HDMI-порта компатибилна со HDCP 2.2 на телевизорот или аудио/видеоприемникот. HDCP 2.2 може да не е поддржан од сите HDMI-порти на телевизорот (видете во сопственичкото упатството за да дознаете која HDMI-порта е компатибилна со HDCP 2.2).
  • Заобиколете го аудио/видеоприемникот, HDMI-прекинувачот или лентата за звук, со поврзување на вашиот стриминг-уред директно со телевизорот.

Ако добивате грешка HDCP, обидете се со чекорите на телевизорот во овој напис: Добивам грешка HDCP.